Udaberri dantza taldea

Kargatzen...

Itxi

Haurren ikastaroak

Hemen dituzu 2020-2021 ikasturterako haurren ikastaroetako zerrendak eta ordutegiak.

Bestalde, jakin ezazue ikastaroak irailaren 28ko astean hasiko direla eta urteroko hainbat ohar gogorarazi nahi dizkizuegu:

  • Jantzia
    • Haurrek arropa erosoarekin eta alpargatekin etorri beharko dute klaseetara.
  • Musukoaren erabilera
    • Beharrezkoa izango da musukoa jantzita izatea uneoro, bai sarrera-irteeretan eta baita entseatzeko momentuan ere.
  • Sarrera
    • Bidegoxoko terrazatik sartuko gara eta bertan itxaron beharko da irakaslea etorri arte.
    • Irakasleak ikasleen tenperatura hartuko du kopetako termometroarekin. Tenperatura 37ºC baino altuagoa bada, berriz neurtuko da besapeko termometroarekin, datua fidagarriagoa izan dadin. Bigarren neurketan ere gorago aipatutako tenperatura gainditzen  badu, EZINGO DA SARTU ENTSEGU GELAN. Kasu horretan, gurasoei deituko genieke bila etortzeko (ikaslea ez bada nahiko heldua bakarrik etxera joateko). Horrenbestez, eskatzen dugu gurasoak erne egotea ikaslea entsegura datorrenetan.
    • Tenperatura hartzearekin batera eskuak garbituko dituzte gel hidroalkoholikoarekin.
  • Entseguan
    • Norberaren gauzak uzteko lekua lurrean markatuta egongo da 2 metroko distantzia errespetatuz. Oinetakoak aldatu beharko balituzte, puntu horietan jantzi beharko lituzkete alpargatak.
    • Ur botila eta esku oihala ekartzea norberaren ardura izango da. Ikasleek ezingo dute komuna erabili ura edateko.
    • Beharrezkoa izango da musukoa jantzita edukitzea.
  • Irteera
    • Irten aurretik eskuak garbituko dituzte gel hidroalkoholikoarekin.