Kaixo! Ni Mirari Altuna naiz eta betidanik Tolosan bizi izan naiz. Dantza egiteaz aparte, nire zaletasun batzuk musika entzutea eta lagunekin egotea dira.

Kaixo!! Ni Irati Aramendia naiz, 2003n jaiotako Tolosarra. Dantzatzeaz gain igerilaria ere banaiz, beraz kiroldegia nire bigarren etxea dela esan dezaket. Trikitixa ere jotzen dut baina gehien gustatzen zaidana ordu luzez hitz egitea da, askotan gehiegi luzatzen naiz… Etorkizun bati begira egin nahi ditudan ikasketak zein diren ez dakit oraindik, baina pentsatzeko denbora daukadanez arazorik ez oraingoz jejeje

Geldirik egoten ikasi ez duen horietakoa. 1998an jaiotako gazte tolosarra naiz. Afizio, ikasketa eta bestelakoengatik beti “lanpetuta” ibili arren zerbeza/kafea/tea/salda(?)/haizea hartzeko tartea ere bilatzen duena. Besteak beste taldeko soinujole eta argazkilaria, emanaldiaren arabera.

Garazi Artetxe naiz, neska gazte tolosarra. Enpresa ikasketak egin eta dantza taldeko diruzaina izan nintzen urte askotan, eta kargu gehiagotatik ere pasa naiz geroztik. Dantza egiteaz gain, lagunekin egotea, bidaiatzea … bizitzaz disfrutatzea gustatzen zait. Latinezko esaerak dioen bezala “Carpe Diem”.

Xabier Artola naiz, 1995ean Iruran jaioa. Artearekin erlazionatutako jarduerak egin izan ditut txikitatik, musika, pianoa eta euskal dantza batik bat. Kargu desberdin asko bete ditut Udaberrin, hala nola, AHH (artxiboa, historia eta hedapena), jantzien ardura eta ikastaroena ere bai. Aisiari dagokionez, asko gustatzen zait lagunekin egotea (oso gutxitan ikusten ditudan arren), parrandara ateratzea (nahiz eta ikasketek asko ez lagundu), eta nola ez, bidaiatzea. Esan genezake, dantza talde batean egotearen alderdi postiboetako bat bidaiatzea dela. Beraz, gurean bezalako giro onean bidaiatu nahi baduzue, hasi oinak astintzen!

Kaixo, Irati Artutxa naiz eta 1989an jaio nintzen Tolosan. Magisteritza ikasketak egin nituen Donostiako fakultatean, Heziketa berezia espezialitatea ondoren eta Donostiako kontserbatorioan erdi-mailako titulua atera nuen eskusoinuarekin. Musikako irakaslea naiz, haurrekin egiten dut lan eta oso pozik bizi naiz. Lagunekin egotea gustatzen zait, baita juerga txikiak egitea ere, dantza egitea... gauza asko ditut gustuko baina bereziki barre egitea, jejjejejej! (orain ere barrez ari naiz, jejjejeje)

Kaixo ni Josu Artutxa naiz, baina dei zeniezadakete Artutxa soilik, edo Txalupin, edo Txalu, edo Ikatza-txiki, edo Txalupita, Kartutxo, Txipi... Ikusten duzuen moduan, ezizen askoko mutila nauzue. Nire ama hizkuntza ikaragarri maite dut, nahiz eta, itxuragatik, arabiar hizkuntza ere menderatzen dudala esan dezakedan. الهدوء، بل هو كذب. (Lasai, gezurra da). Edozein kirol ikustea, kirola egitea, bertsoak entzutea (eta ahal denean egitea), euskal musika etengabe entzutea, musika jotzea (perkusioa, txirula, armonika, gitarra…), bidaiatzea, egunkariak irakurtzea… afizio ugariko gaztea naizela esan dezaket.

Kaixo! Ni Ane Artutxa naiz, tolosarra, 1991n jaioa eta gizarte langilea. Tarteka, biolina jotzen dut Udaberrin eta Tolosako Arimaz orkestran. Kirolak gustatzen zaizkit, nahiz eta azkenaldian ikusle modura gehiago egoten naizen, eta parrandak ere bai, noski!

Kaixo! Ni Maialen Ayerza naiz, 2002an jaiotako berrobitarra. Nire zaletasunak, dantzaz gain, bidaiatzea, musika entzutea eta lagunekin egotea dira.

Kaixo! Idoia naiz, tolosarra eta 1995ean jaioa, eta Gizarte Langintzako ikasketak egin ditut Gasteizen. Astea bertan igarotzea bikaina da, oso ondo pasatzen dugu, baina aitortu beharra daukat asteburuetan, Tolosara itzultzean, ezin izaten dudala irribarre txiki bat ezkutatu. Horrez gain, bidaiatzea izugarri gustatzen zait eta mendian ibiltzea ere atsegin dut.

Beñat Azaldegi Lakuntza. 1994ko azken egunean jaioa, juxtu-juxtuan. Bi anaitan gazteena. Amona Maria Doloresentzat “etxeko txiki polittena “ izaten jarraitzen dut, ia bi metrokoa egin naizen arren.

Iepe!! Aitor Azkolain naiz, ia denentzat "Azko", Ibarran bizi den latinoa jajaja. Bai, hala da, Latinoamerikan jaiotakoa naiz, hain zuzen, Santo Domingoko irlan. Ingeniaritza Elektronikoa gradua burutu nuen Donostiako eskola politeknikoan, eta denbora librea dudanean asko gustatzen zait gitarra jotzea, parranda egitea eta lagunekin elkartzea.

Kaixo, ni Iñigo Azkue naiz, tolosarra eta Udaberriko txistularia. Telekomunikazio ingeniaritza ikasketak egin ditudanez, traste zein gailu txikiekin saltseatzea asko gustatzen zait. Lagun giro zalea ere banaiz, eta ahal dudan plan ero guztietara apuntatzen naiz.

Kaixo! Ni Itsaso Barrenetxea naiz orain urte batzuk erizaintzan diplomatua (taldeko 3. erizaina, jeje) eta azken aldian nahi baino denbora gutxiago eskaintzen diodan arren, Udaberriko dantzaria ere bai.

Iepa! Ni Uxue naiz, 2001ean jaiotako dantzari belauntzarra. Dantzaz gain, musikarako zaletasuna ere badut, eta trikitixa eta panderoa astintzen ditut. Ikaragarri gustatzen zait mendira joatea, eta udaberritarra izanik, nola ez, parranda egitea ere gustuko dut jejeje

Kaixo, ni Iker Dorronsoro Etxabe nauzue, dultzainero, txistulari, arraunlari, baserritar… ah, eta ahaztu gabe, parrandazale belauntzarra. Tolosako arraun elkartean ibiltzen naiz arraunlari moduan, Tolosako dultzaineroen parte ere banaiz, eta Udaberriko kide ere bai. Beraz esan daiteke aspertzeko betarik gabe ibiltzen naizela sarritan, horregatik, ez dizuet azalduko nire denbora librean zer egiteko ohitura dudan, oso gutxitan izaten baitut jajaja.

Kaixo! Ni Beñat Ezenarro naiz, baina ehienek “Exenarro” edo “Ezenarro”deitzen didate. Udaberriko fanfarreko bonbardinojolea naiz eta kirola eta musika dira nire zaletasunak.

Kaixo! Ni Ainhoa naiz, 1999an jaiotako tolosarra. Dantzaz gain futbolean ere ibiltzen naiz, erizaintza ikasketak burutzen nabil eta animaliak eta natura dira nire zaletasun handienak.

Kaixo! Mireia Gonzalez naiz, 2001eko otsailean jaiotako eta 2. batxilergoko ikasketak egiten ari naizen dantzari tolosarra. Dantzaz gain, zinema, irakurtzea, bidaiatzea, musika entzutea eta lagunekin egotea dira nire zaletasunak, eta nola ez, baita parranda ere!

Kaixo, Eneko Hartsuaga naiz eta taldeko musikaria naiz. Musika gustatzen zait eta herriz herri jotzea ere bai.

Kaixo! Maialen Indakoetxea nauzue. 2001ean jaiotako neska. Txikitatik saltsa guztietan egotea gustuko izan duen eta orain ere horrela jarraitzen duen tolosarra. Oinak astintzeaz gain (euskal dantza zein dantza klasikoa) musikaren erritmora kantatzea da nire pasioetako bat. Instrumentuengatik dudan interes berezia aparte utzi gabe noski. Panderoa, trikitixa eta pianoa jotzen ditut. Edo saiatu behintzat, jajaja. Denbora librean berriketan aritzea dut gustuko, izugarri gainera! Baina nire agenda estu honetan denbora tarte bat aurkitzea ia ezinezkoa da!

Kaixo! Iñigo Irurzun naiz, 1995ean jaiotako gazte tolosarra. Saltseroa naiz ni, perrexila bezala, mila saltsetan sartuta dagoena!!

Aitor Jauregi naiz, lagunentzant eta lagunak ez direnentzat, "Koxkor”, jajaja. Amarotzekoa naiz, 1985ean jaioa, eta mantenimendu lanak ikasi ditut. Lanak tartetxo bat uzten didanean, kirola egitea da nire hobby-a: lasterka, bizikletan, mendian, patinekin…

Ni Josu Lizarralde Beñaran naiz, 1994an jaiotako gazte tolosarra. Euskal Ikasketak gradua ikasi dut Gasteizen. Dantza eta musika txikitatik gustatu izan zaizkit eta bietatik egiteko aukera topatu nuen Udaberrin.

Iepa! Oinatz Martinez naiz, tolosarra eta 1987an jaioa. Duela urte batzuetatik 28 Kanalean lanean nabil kameralari, elkarrizketatzaile edota aurkezle modura eta egia esan arraroa egiten zait galderak erantzutea, normalean ni bainaiz egiten dituena. Denbora librean oso gustuko ditut bidaiatzea, mendia, hondartza, musika entzutea, lagunekin egotea, argazkigintza eta patinetan ibiltzea. Tolosaldeko Irristaka taldeko kide ere banaiz. Hori guztia egiteko denbora nondik ateratzen dudan neronek ere ez dakit, baina, esaldiak dioen bezala, "gustuko tokian aldaparik ez"!

Xanti Nazabal naiz ni, Udaberriko dantzaria. Dantzaz gain, zaletasun handia daukat musikarako ere, eta txistua, dultzaina eta atabala jotzen ditut. Nahiko polibal(i)entea naiz beraz taldean eta honek, dantzari eta musikarien arteko tirabirak sortzen ditu batzuetan, musikari falta dagoenean batez ere.

Kaixo! Miren Nazabal Urruzola naiz, 1998an Tolosan jaioa. Euskal dantza, dantza klasikoa, musika entzutea eta lagunekin egotea dira besteak beste nire zaletasunak.

Ni Urko Odriozola naiz eta orain Laskorain Ikastolan Batxilergoko 2. urtea egiten ari naiz. Nire zaletasunak atletismoa, tronpeta jotzea eta euskal dantza dira.

Oihana Olano naiz, Tolosan bizi naiz, musika eta dantza asko gusatzen zaizkit eta baita lagunartean egotea ere.

Kaixoo! Ni Pau Ortiz naiz, 2004ean jaiotako gazte alai tolosarra. Dantzarekin batera musika, kirola, lagun artean egotea, eskiatzera joatea eta nola ez Inauteriak dira gehien gustatzen zaizkidan gauzak.

Kaixo! Irene Plazaola naiz, 2002n jaiotako neska tolosarra. Betidanik ibili naiz dantza munduan murgilduta, baina oso denbora gutxi da euskal dantzan hasi nintzela. Bestetik, pianoa ere jotzen dut eta oso gustuko dut lagunekin egotea eta baita bidaiatzea ere.

Kaixo! Ni Ibai Romero naiz 2003an Tolosan jaioa. Euskal dantzak asko gustatzen zaizkit. Horretaz gainera, tronpeta jotzen dut (saiatzen naiz behintzat jajaj) eta musika entzuten eta kantatzen pasatzen dut egun guztia beraz, esan dezakegu musika ere asko gustatzen zaidala. Lagunekin ateratzea ere asko gustatzen zait, nahiz eta gutxitan egin denbora faltagatik.

Ni Julen Uranga naiz, baina nire Udaberriko ezizena “Beasti” da Udaberrin ibiltzen den Berastegiko bakarra naizelako eta taldean beste Julen bat ere badagoelako.

Orion jaiotako tolosarra naiz eta, euskal dantzarekin batera, nire hizkuntza da dudan "pasioetako" bat. Bide horretatik Euskal Filologia ikastea aukeratuta, Gasteizko ikasle garaiak eta ostegunak bizi izan nituen. Gaur egun Tolosako astelehen, astearte, asteazken, ostegun, ostiral, larunbat eta igandeak gertutik bizitzen ditut, eta baita horietan gertatzen denaren zati handi baten berri eman ere, Tolosaldeko Atariko kazetari lanetan. Kasu honetan egoeraren bestaldean jarri behar izan dut, eta normalean neronek egingo nituzkeen galderak erantzun behar izan ditut.

Ni Jon Vallejo naiz, Tolosan bizi naiz eta Ebakilan S.L. enpresan egiten dut lan. Nire afizio handienetako bat mendia joatea da.

Kaixo. Ni Aitor Zabala naiz, eta 2002an jaio nintzen. Tolosarra eta fanfarreko danbor jotzailea naiz. Nire zaletasunak musika eta kirolak dira. Orain, musika ikasketak burutzen ari naiz, etorkizun batean perkusio irakasle izatea gustatuko litzaidakeelako.