Ikastaroak

Belaunaldiak ditugu sekretu, eta harrobia errezeta

Euskal kultura

- Sustapena -

Udaberri Dantza Taldearen sorreratik izan du helburu euskal kultura sustatzea, eta 60 urte igaro arren, helburu honek gure proiektuen ardatz izaten jarraitzen du. XXI. mendeko gizarte globalizatu honetan, euskal kultura sustatzen jarraitzeko konpromiso argia dugu. Guk egiten ez badugu, nork egingo du bestela?

Tradizioa

- Jarraipena -

Tradizioa ezagutu, jaso eta hurrengo belaunaldiek ere ezagutu dezaten, jasotakoari jarraipena emateko apustua egina du Udaberrik. Ez da erronka erraza, baina nork esan zuen erraza izango zenik? Erronkarik gabe ez omen dago ikaskuntzarik, onartzen duzu gurea?

Laguntasuna

- Ezagutza -

Dantza ikastaroak harreman sarea zabaltzeko aukera paregabea dira, jende berria ezagutzeko aitzakia ederra. Esperientziak erakutsi digu laguntasuna balio garrantzitsua dela Udaberrin. Izan ere, dantzaren aitzakian lotu den lagunen kuadrila gaituzue. Kuadrilara batu nahi?

Elkarlana

- Taldelana -

Edozer gauza ondo egiteko lana eta esfortzua beharrezkoak dira. Gure ikastaroetan ere, dena ez da festa eta jolasa izango. Udaberrik bizirik jarraitzen badu taldelanari esker da, beraz, ikastaroetan ere elkarlanean arituko gara. Elkarlanean ondo pasatzeko prest zaude?

Lau zutabe sendoren gainean eraikitako ikastaroak dira eskaintzen ditugunak.

Haurren
ikastaroak

Izena eman Gehiago ikusi Taldeak

Ikastaro hauen helburu nagusia ikasleen artean dantzarako grina bultzatzea, eta, era berean, gaztetxoek gure dantzen eta doinuen berri izatea da.

Irailetik hasita, Usabal kiroldegian egingo dira entseguak, astelehenetik ostiralera bitarte, 9 hilabetez. Ikastaroen prezio osoa 100€-koa izango da, eta kontu korronte bidez ordaindu beharko da kurtso hasieran. (*)

(*): Ikasturte hasieran jakinaraziko da ordainketaren informazioa.

Informazio gehiago: ikastaroak@udaberri.eus

Haurren
ikastaroak

Plaza Dantza
ikastaroa

Izena eman

Gure eskaintza ez da haur eta gaztetxoengana soilik mugatzen. Jendearen nahiari erantzunez, plaza dantzen ikastaroa ere antolatzen dugu, plaza sentitzeko, dantza bizitzeko.

Urtero bezala, eskolak astearteetan izango dira Usabal Kiroldegian, iluntzeko 20:30etik 21:30era.

Prezioa: 80€ langileentzat, 50€ langabetu eta ikasleentzat.

Informazio gehiago: ikastaroak@udaberri.eus

Plaza Dantza
ikastaroa