Itsaso Andueza Urruzola naiz, 2004ean Lezon jaiotako tolosarra. Musika sentitzean, dantzatu gabe nekez egoten den horietako naiz. Nire helburuetako bat dantza estilo gehiago ikastea da. Kantua, mendi bueltak, eskia eta surfa dira bestelako zaletasunak. Aitortu behar dut parranda zalea ere bihurtu naizela dagoeneko.

Kaixooo! Oihana Andueza Urruzola naiz, 2006an Lezon jaioa eta 4urtez geroztik tolosarra. Dantza egiteaz gain, patinaia, musika, eskia, bidaiatzea eta lagunekin egotea dira nire zaletasunak.

Xabier Artola naiz, 1996an Iruran jaioa. Artearekin erlazionatutako jarduerak egin izan ditut txikitatik, musika, pianoa eta euskal dantza batik bat. Kargu desberdin asko bete ditut Udaberrin, hala nola, AHH (artxiboa, historia eta hedapena), jantzien ardura eta ikastaroena ere bai. Aisiari dagokionez, asko gustatzen zait lagunekin egotea (oso gutxitan ikusten ditudan arren), parrandara ateratzea (nahiz eta ikasketek asko ez lagundu), eta nola ez, bidaiatzea. Esan genezake, dantza talde batean egotearen alderdi postiboetako bat bidaiatzea dela. Beraz, gurean bezalako giro onean bidaiatu nahi baduzue, hasi oinak astintzen!

Kaixo ni Josu Artutxa naiz, baina dei zeniezadakete Artutxa soilik, edo Txalupin, edo Txalu, edo Ikatza-txiki, edo Txalupita, Kartutxo, Txipi... Ikusten duzuen moduan, ezizen askoko mutila nauzue. Nire ama hizkuntza ikaragarri maite dut, nahiz eta, itxuragatik, arabiar hizkuntza ere menderatzen dudala esan dezakedan. الهدوء، بل هو كذب. (Lasai, gezurra da). Edozein kirol ikustea, kirola egitea, bertsoak entzutea (eta ahal denean egitea), euskal musika etengabe entzutea, musika jotzea (perkusioa, txirula, armonika, gitarra…), bidaiatzea, egunkariak irakurtzea… afizio ugariko gaztea naizela esan dezaket.

Kaixo! Ni Leire naiz, fanfarreko klarinete joleetako bat. Tolosarra naiz eta erizaintza ikasi berri dut. Nola ez, musika ikaragarri gustatzen zait, klarinetea, abestea, gitarra, pianoa…, saltsan ibiltzea gustatzen zait. Aitortu beharra daukat dantzarako, ordera, ez naizela jaioa, nire koordinazio motorea…, ongi daki hori ezagutzen nauenak. Berriketa… jajajaja

Kaixo, ni Iker Dorronsoro Etxabe nauzue, dultzainero, txistulari, arraunlari, baserritar… ah, eta ahaztu gabe, parrandazale belauntzarra. Tolosako arraun elkartean ibiltzen naiz arraunlari moduan, Tolosako dultzaineroen parte ere banaiz, eta Udaberriko kide ere bai. Beraz esan daiteke aspertzeko betarik gabe ibiltzen naizela sarritan, horregatik, ez dizuet azalduko nire denbora librean zer egiteko ohitura dudan, oso gutxitan izaten baitut jajaja.

Iepa! Ni Uxue naiz, 2001ean jaiotako dantzari belauntzarra. Dantzaz gain, musikarako zaletasuna ere badut, eta trikitixa eta panderoa astintzen ditut. Ikaragarri gustatzen zait mendira joatea, eta udaberritarra izanik, nola ez, parranda egitea ere gustuko dut jejeje

Kaixo! Mireia Gonzalez naiz, 2001ean jaiotako dantzari tolosarra, erizaina eta txikitatik ibili izan naiz Udaberrin. Dantzaz gain, musika entzutea, irakurtzea, bidaiatzea, sukaldatzea eta lagunekin egotea dira nire zaletasunak, eta nola ez, baita parranda ere!

Kaixo! Iñigo Irurzun naiz, 1995ean jaiotako gazte tolosarra. Saltseroa naiz ni, perrexila bezala, mila saltsetan sartuta dagoena!!

Iepee!! Nere Jauregi naiz, 2004an jaioa. Giza Nutrizio eta dietetikako gradua ikasten nabil Gasteizen. Dantzaz gain, irakurtzea eta korrika egitea gustoko ditut, baita menditik galduta ibiltzea ere. Denbora librea dudanean, irakurtzea eta familiko senideen goxotasunaz inguratzea gustatzen zait. Tarteka parrandaren bat edo beste botatzea ere ez dago gaizki jejejej..

Iepa! Oinatz Martinez naiz, tolosarra eta 1987an jaioa. Duela urte batzuetatik 28 Kanalean lanean nabil kameralari, elkarrizketatzaile edota aurkezle modura eta egia esan arraroa egiten zait galderak erantzutea, normalean ni bainaiz egiten dituena. Denbora librean oso gustuko ditut bidaiatzea, mendia, hondartza, musika entzutea, lagunekin egotea, argazkigintza eta patinetan ibiltzea. Tolosaldeko Irristaka taldeko kide ere banaiz. Hori guztia egiteko denbora nondik ateratzen dudan neronek ere ez dakit, baina, esaldiak dioen bezala, "gustuko tokian aldaparik ez"!

Kaixo! Miren Nazabal Urruzola naiz, 1998an Tolosan jaioa. Euskal dantza, dantza klasikoa, musika entzutea eta lagunekin egotea dira besteak beste nire zaletasunak.

Xanti Nazabal naiz ni, Udaberriko dantzaria. Dantzaz gain, zaletasun handia daukat musikarako ere, eta txistua, dultzaina eta atabala jotzen ditut. Nahiko polibal(i)entea naiz beraz taldean eta honek, dantzari eta musikarien arteko tirabirak sortzen ditu batzuetan, musikari falta dagoenean batez ere.

Ni Urko Odriozola naiz eta orain Laskorain Ikastolan Batxilergoko 2. urtea egiten ari naiz. Nire zaletasunak atletismoa, tronpeta jotzea eta euskal dantza dira.

Kaixo! Ni Malen Otaegi naiz, 2007an Tolosan jaioa. Udaberrin dantzan ibiltzeaz gain, pianoa ere jotzen dut, eta nire beste zaletasunetako batzuk irakurtzea, lagunekin egotea, bidaiatzea, musika entzutea eta serieak ikustea dira.

Iepa!! Ni Iraia Otxoa naiz, 2001an jaiotako Anoetarra. Magisteritza ikasi berri dut Donostian. Txiki-txikitatik daramat euskal dantzan eta saxofoia jotzen, esan dezaket nire bizitzan musika oso presente dagoela. Baina onartu behar dut gehien gustatzen zaidana parrandan ateratzea dela jajajaja.

Kaixo! Ni Ibai Romero naiz, 2003an Tolosan jaioa. Euskal dantzak oso gustuko ditut. Horrez gain, tronpeta jotzen dut, edo saiatzen naiz behintzat [barreak], eta musika entzuten eta kantatzen igarotzen dut egun osoa. Beraz, esan dezaket musika ere asko gustatzen zaidala. Lagunekin ateratzea ere asko gustatzen zait, nahiz eta gutxitan egin, denbora faltagatik.

Kaixo! Elene Vidaurre Lozano naiz, 2007an jaiotako tolosarra. Nire zaletasunen artean lagunekin denbora pasatzea, trapuren bat edo beste jostea eta nola ez dantza egitea daude.